“Makarrizketak” programa da gure lehen podcast saiakera. Bertsolari bati emango diogu ahotsa, bertsolaritzaz eta hamaika aferez mintzo dadin. Lau atal estreinatuko ditugu 2020an.

https://s3.us-east-2.amazonaws.com/pod-public-media-files/2026/10/14/10/e6a7fe41-f390-4c3d-b991-a6bf9b6baae7_gero_gerokoak.mp3

Aulkitik altxatu, azken agurra bota eta oholtzatik jaisteko unea iristen da, oholtzarik baldin badago, noski. Aulkia ere ez da ezinbestekoa izaten. Baina bueno, momentuaz ari nintzen eta ez gainontzekoaz. Orduan bukatzen da bertso saioa, ostean datorrenari bide emanez.

Bertsolari aldizkaria

Gero gerokoak - Martin Abarrategi

https://s3.us-east-2.amazonaws.com/pod-public-media-files/2026/10/7/9/4b6e4382-41e6-4410-b510-383497befc5b_baietza_ezezkoa_denean.mp3

Beti izan naiz guztiari baietz esatekoa, lan txiki asko hartzekoa, gero lan handia suposatzen zidatenak, unibertsitateko ikasketak beste mila gauzekin batera egitekoa, beti bai. Gero negar ere bai, baina beti bai. Ezetz esatera ere ohituko nintzela entzun izan dut behin baino gehiagotan, gehiegitan.

Baiezkoa ezezkoa denean - Naia Arrizabalaga

https://s3.us-east-2.amazonaws.com/pod-public-media-files/2025/12/17/17/6b710139-ea90-4763-a553-fca3ada8a443_hain_urruti__hain_hurbil.mp3

Eta hemen gaude, pantailari so. Irudi honek ederki laburbiltzen du nik bertsoarekiko eduki dudan harremana, orain hurbil, orain urruti, orain urruti, orain hurbil…Maitasun-gorroto harreman bat izan delako bertsolaritzarekin ttikitatik bizitu dudana.

Hain urruti, hain hurbil - Eneko Fernandez

https://s3.us-east-2.amazonaws.com/pod-public-media-files/2025/12/10/8/d3edad97-a163-44c5-b126-00e5c5eaed08_lagunarteko_bertsolaritza_espontaneoa.mp3

Bereziki jaioak direnak eta denbora eskaintzen diotenak argitan egoteak adierazpide kultural bat indartzen lagundu dezake. Baina zein bizindar dauka horiez aparteko jendearen bizitzetan adierazpide horrek? Jaso soilik egiten du gehiengoak ala adierazpide moduan erabili ere bai? Nik uste adierazpide kultural baten osasuna neurtzeko, begirada hor ere jarri beharra dagoela, eta agian bereziki hor.

Lagunarteko bertsolaritza espontaneoa - Maddi Sarasua

https://s3.us-east-2.amazonaws.com/pod-public-media-files/2025/11/25/12/b4ff70e3-9350-4174-adad-1246b091d52b_neure_kolkorako.mp3

Bertsolaria da, beti hala sentitu izan ez bada ere. Eskolarteko bat-bateko txapelketa irabazi osteko urtean utzi zuen bertsoa, lehenengoz. Batzuetan, bigarren aldiarekin fantaseatzen du. Ez daki zergatik baina lehen baino sarriago begiratzen du atzera. 14 urterekin bertsoa utzi zuen mutikoa ikusten du bertso eskolan bere lekua ezin aurkituta, eta diapositibak datozkio bata bestearen atzetik jarraian.Gogoratu da nola itzuli zen bertsotara 21-22 urte zituenean. Nola irteten zen plazara hasierako garai haietan. Nola, non, noiz eta norekin. Batez ere, azken hori. Oso oroitzapen onak ditu, abestutakoak entzunez gero lotsagorritu egingo litzatekeen arren; badaki-eta orduan kantatu zituen zenbait gauza ez lizkiokeela gaur egungo bere buruari onartuko, ezta lagunei ere.

Neure kolkorako - Xabat Galletebeitia

https://s3.us-east-2.amazonaws.com/pod-public-media-files/2025/11/6/13/0a7e33c6-8b10-48fc-955b-05c446c4c6d2_ze_nezesidade_.mp3

Pentsatu duzu sekula zergatik zabiltzan bertsotan?Ez, ez naiz hasieraz ari, ezta euskara klase monotono hura bi astez behin jolas bilakatzen zuen bertsolaritza irakaslearen eraginaz ere; ez dizut galdetu bertso eskolan zebilen ezagun hark taldera gonbidatu zintuenekoaz ere.Bertso eskolako ibilbideak bere dituen erronka eta zailtasunez gaindi diot, bertso eskolako kideek futbolaren, pilotaren edo musikaren aldeko hautua egin zuten bitartean, zergatik eutsi zenion zuk asteroko hitzordu hari?

Ze nezesidade? - Oihana Iguaran

https://s3.us-east-2.amazonaws.com/pod-public-media-files/2025/11/6/12/1cc36790-4fd2-413e-9e35-da8febd545b1_errepaso_bat.mp3

1994. urtea zen. Nik 14 urte nituen, aspaldi. Garai hartan ere gauza asko egingo nituen, noski, baina oroitzapenik gozoenak bertsoak dakarzkit. Ordurako, gure aita zenarekin, hamaika bertso kantatua nintzen kotxean, etxean bazkalorduetan, afalorduetan, ama eta arreba nazkatzeko lain bai, behintzat.

Errepaso bat - Jokin Uranga

https://s3.us-east-2.amazonaws.com/pod-public-media-files/2025/10/23/14/884b79f4-bf9f-4a46-a9b1-5805bf813f10_distantziara_eraikitiko_harremana.mp3

Ez dakit zergatik, norbaiten prismatikoetatik begiratuta makarra bat naizelako edo hiztun ona baino, berritsua naizelako, baina hemen nauzue. Peru, zuk hitz egin lasai bertsolaritzari buruz esan zidaten, hamar urte ingururekin ezagutu nuen bertsoa, izango dut zerbait kontatzeko pentsatu nuen nire baitan.

Distantziara eraikitako harremanak - Peru Abarrategi

https://s3.us-east-2.amazonaws.com/pod-public-media-files/2025/10/11/10/c3874ae9-758c-43bc-b7d1-dd105fffd6f0_erantzun_baten_galderak.mp3

Nire burua galdera erantzun horien guztien artean bizi zen unean, diskurtsiboki oso kokatuta, baina, bertsoak dakartzan galdera guzti horien artean zalantzati nengoen momentuan, duela 18 hilabete 3 aste eta 9 egun zehazki, nire inteligentzia artifizialak “boom” egin zuen. Nire buruak deskantsu bat hartzea erabakia zuen, nirekin kontsultatu gabe noski…

Erantzun baten galderak - Irati Alcantarilla

https://s3.us-east-2.amazonaws.com/pod-public-media-files/2025/10/11/10/e590a148-a4b5-4516-9ac8-7f99bc8df0d9_espektatibak.mp3

&#34;Mundu honetan bi oinak pausatu orduko, ingurukoek uste eta espekulazioz ezaugarritzen gaituzte: ume hori bertsolaria izango da, amaren gisa; begi urdin-urdinak izango ditu; adimen-koziente altua izango du, ezinbestean… Kasualitatez baten bat asmatuz gero, ordea, profeziaren tankera hartu ohi diogu, magia beltza tarteko. Profeziatik gutxi du, baina. Testuinguru eta baldintza materialekin zerikusi handiagoa duelakoan nago&#34;

Espektatibak - Iruri Altzerreka

https://s3.us-east-2.amazonaws.com/pod-public-media-files/2024/10/31/8/65e6bee6-4905-4233-a6ab-a93d53a246bb_maddalen_arzallus.mp3

Benetan diotsuet ez dela intentzioz egina izan. Baina Makarrizketak podcasterako bakarrizketei buruz hitz egitea erabaki dut.Aurrekoan Antton Telleriaren emanaldi berria gozatzen izan nintzen Iruñean. NiNiNi. Ordu eta laurden bere buruari buruz hizketan, eta pentsa, labur egin zitzaidan. Tira, bere buruaz, eta bertsolarioi buruz ere bai. Kontua da, hasterako egurra ematen digula; hasierako agurrik gabe. Eta jende guztia barrezka. Eta nola ez, nik ere defektu profesionala dudanez, NiNiNi, nire bertsolari begininiekin aztertu nuen: zertan dugu antza bertsolariok eta bakarrizketalariek? Eta zertan gara desberdinak?

Bakarrizketak eta bertsoak. GuGuGu - Maddalen Arzallus

https://s3.us-east-2.amazonaws.com/pod-public-media-files/2024/10/25/5/4fe130d9-f307-48db-9ca2-36c0956dd935_irudimena_24-10-25.mp3

Gogoa, mens, psique, anima, res cogitans... modu askotan esaten zaio, baina zer da gogoa delako zer hori?Gogoa, kontzeptu filosofikoa da eta giza-ahalmen jakinen sare korapilatsuari egiten dio erreferentzia, hala nola: nahimena, hautematea, adimena, sinismena eta irudimena (edo imajinazioa).Bertsotan ari garenean ere, gogoaren ahalmen gehientsuenak jartzen ditugu martxan. Dena den, nik gaur irudimenari heldu nahiko nioke, historian zehar hainbeste artista eta filosofo txundi-txundi utzi dituen horrixe: Humek arimaren ahalmen magikotzat jo zuen irudimena, eta Kantek esan zuen arimaren sakoneneko arte ezkutua dela.

Irudimena - Aitor Bizkarra

https://s3.us-east-2.amazonaws.com/pod-public-media-files/2024/10/18/5/10d69389-e7a0-481c-a561-e3e356ff8dab_bertsolari_nyn_24-09-30.mp3

Euskaldunok askotan entzun dugu bidaiatzeak norbere hizkuntza, kultura eta herriarekiko lotura txikitzen duela diote. Ez dakit ba nik. Ez dakit Anonyme Popular proiektuarekin AEBetan egindako biratxoa eta gero, bertsoarekiko lotura txikitu eta handitu egin zaidan. Berritu egin zaidala esango nuke.

Bertsolari New Yorken - Igor Elortza

https://s3.us-east-2.amazonaws.com/pod-public-media-files/2024/10/12/3/d9d154ac-6d23-4f52-8b9b-d235d52f27c2_ainhoa.mp3

Hemezortzi urteko Ainhoari hitz egiterik banu, bertsotan jendaurrean hasia zen Ainhoari hitz egiterik banu, esango nioke...

Hemezortzi urteko Ainhoari - Ainhoa Agirreazaldegi

https://s3.us-east-2.amazonaws.com/pod-public-media-files/2024/10/4/9/bf232b76-6afe-400a-b617-e25fd77cc7fe_nork_antolatzen_ditu_bertso_saioak_.mp3

Etorri bezala badoaz udako egunak, iritsi da iraila, eta ezustean, Bardoak ere hasi dira kantuan Nafarroan. Pandemia garaitik erdizka jokatu eta erdizka ospatu ostean, aurten bete-betean hartuko du plaza taldekako txapelketak. 13 talde eta 91 parte-hartzaile, ez dira gutxi jendaurrera bertsolari berriak tantaka sortzen dituen herrialde batentzat.

Bertso saioak nork antolatzen dituen - Irati Majuelo

https://s3.us-east-2.amazonaws.com/pod-public-media-files/2024/9/26/10/9757e8e1-a413-47c8-a633-356c2e5a0a48_galderak.mp3

Galderak? Bai, galderak. Erantzun bat jasotzeko egiten dira normalean. Normalean? Beno, batzuetan erantzuna jakinda ere egiten ditugu, gizakion gauzak….

Galderak - "Abarkas"

https://s3.us-east-2.amazonaws.com/pod-public-media-files/2024/9/20/9/bbba2784-b4ee-46ab-9322-46dfb31a77bf_su_pizte_txikiak.mp3

Umetako oroitzapen lauso bat: Lasarteko kalean baserritar bat marmitekin zihoala kaleko ibiltari batek sua piztu zuen:“Zer habil Txomin, letxero?”“Bai, esnea partitzen etxero.”Galde erantzun horren eta tankerakoen atzean dagoen unibertso osoak erakarrita hasi nintzela esango nuke, bertsoak berak tirata baino gehiago.

Su pizte txikiak - Asier Aspiroz

https://s3.us-east-2.amazonaws.com/pod-public-media-files/2023/12/22/8/423d04ba-d26e-4629-b6ec-b910b6a0e3e0_manex_agirre.mp3

Josu Goikoetxeak joan den udaberrian, eguzki-argiak gauzak zehatz erakusten dituen sasoi horretan, buruko muinen zentruan instalatu zitzaidan txio bat idatzi zuen. Hala zioen, hitzez hitz: “Hipotesi eroa: Txirritarena omen den &#39;Hil da Cánovas&#39; izeneko bi bertsoko sorta... apokrifoa da”.

Gallendu zaio sasiya

https://s3.us-east-2.amazonaws.com/pod-public-media-files/2023/12/19/8/ea044ced-1e35-4065-b3fe-c94579f2ab38_eli_pagola.mp3

Hamaika aldiz entzun dugu, txapelketetako hasierako agurretan batez ere, bertsoak eta matematikak ez dutela zerikusirik eta ez dakit ados ote nagoen.

Makarrizketak

Dadoa

https://s3.us-east-2.amazonaws.com/pod-public-media-files/2023/12/15/11/033ac368-5ab0-4c57-9546-21a2a76a0b30_lokatz_loreak.mp3

Kaixo gu Araitz Katarain, Janire Arrizabalaga eta Izaro Bilbao gara eta Lokatz Loreak sormen taldea osatzen dugu. Askotan aipatu dugu, gure proiektuaren oinarria bideak eta lekuak direla, beraz, beste ezertaz hitz egiten ez dakigunez, horretara gatoz.

Lokatz Loreak

*“Makarrizketak”* programa da gure lehen podcast saiakera. Bertsolari bati emango diogu ahotsa, bertsolaritzaz eta hamaika aferez mintzo dadin. Lau atal estreinatuko ditugu 2020an.